Хамт олон

ГҮЙЦЭТГЭХ ЗАХИРАЛ

Ё.Бадрал

Бадрал нь “UB” олон улсын зөвлөх компани, Монголын шилдэг тур операторт багтах “Монголиа Күэст” компаний гүйцэтгэх захирлаар ажилладаг. Аялал жуулчлалын чиглэлээрх өөрийн карьераа 1990 онд ардчилсан хувьсгалын үеэр УБ зочид буудлаас их сургуулийн оюутан байхдаа эхэлсэн. Монгол улсын аялал жуулчлалын салбарын манлайлагчдын нэг бөгөөд соёл урлаг, эх орныхоо өв уламжлал, эмзэг экосистем, биологийн олон янз байдлыг хамгаалах чиглэлээр сэтгэл зүрхээ зориулан ажилладаг. Тэрээр Гадаад хэлний дээд сургууль, Австрийн Зальцбург хотын Клэсшиэм аялал жуулчлал, зочид буудлын менежментийн сургуулийг тус тус төгссөн. “Монголиа Күэст” компаний үүсгэн байгуулагчдын нэг тэрээр сүүлийн 25 жилийн хугацаанд олон зуун аялагчдад Монгол орны өвөрмөц соёл, биологийн олон янз байдлын талаар мэдлэгээ хуваалцаж, байгаль, түүх, соёлын өв дурсгалын талаар судалж ирсэн. Тэрбээр “Улаанбаатар аялал жуулчлалын холбоо”-ны тэргүүн, “Монголын Урлагийн зөвлөл”-ийн удирдах зөвлөлийн гишүүнээр ажилладаг. Бадрал бол АНУ-ын Тайлбар танилцуулгын Үндэсний Холбооны мэргэшсэн тайлбарлагч, сургагч багш юм.

ХӨТӨЛБӨРИЙН ЗОХИЦУУЛАГЧ

Ц.Орхон

Орхон 2014 оноос тус байгууллагын хөтөлбөрийн зохицуулагчаар ажиллаж байна. Тэрээр Хөвсгөл аймгийн Хатгал тосгонд жуулчны баазын менежерээр 13 жил ажилласан бөгөөд эко аялал жуулчлал, аялагчдын тав тухыг хангах, чанартай үйлчилгээ үзүүлэх талаар нилээн туршлага хуримтлуулсан. Хатгал дах өсвөрийн байгаль хамгаалагчдыг удирдан чиглүүлэх, Хөвсгөл нуур хамгаалал хөтөлбөрийн хүрээнд холбогдох байгууллагуудтай хамтран ажилдаг.

НЯГТЛАН БОДОГЧ

Э.Ариунзул

Ариунзул (Зулаа) нь Санхүү Эдийн Засгийн сургууль, Английн Фёрст Оксфорд коллеж болон Лондон хотын Эдийн Засаг Бизнесийн сургуулийг төгссөн. Эдийн засагч, нягтлан бодогч, аудиторын ажлын тургшлагатай нэгэн. Зулаа НҮБ, Азийн Хөгжлийн Банк, Европын холбоо, Мянганы Сорилын Сан гэх мэт олон улсын байгууллагуудтай ажиллаж байсан туршлагатай төдийгүй Орос, Англи хэлтэй. Нөхөр дөрвөн хүүхдийн хамт амьдардаг.

ХӨТӨЛБӨРИЙН ЗОХИЦУУЛАГЧ

О.Нандий

Нандий нь Монгол Экологи Төвд (МЭТ) ажиллахаас өмнө Канадын Ванкувер хотод аялал жуулчлалын салбарт ажиллаж байсан. Тэрээр Британи Колумбийн Их Сургуулийг Урлагийн бакалаврын зэрэгтэй төгссөн. Нандий санхүүжилт босгох, сайн дурын ажилд оролцох, зөвлөгөө өгөх, удирдан зохицуулах ажилд туршлагатай. Тэрээр байгаль орчноо хайрлан хамгаалах, тогтвортой хөгжилд өөрийн хувь нэмрээ оруулахыг эрмэлздэг.

ГРАФИК ДИЗАЙНЕР

Т.Амар

Амраа компанийн брэндинг тодорхойлох чиглэлээр мэрэгшиж их сургуулийг дизайнер мэргэжлээр төгссөн. АНУ-ын Калифорн мужид суралцахаасаа өмнө тэрээр үндэсний томоохон үйлдвэрлэгч “Говь” ХХК-д дизайнераар ажиллаж байсан. АНУ-д суралцаж байхдаа Үндэсний паркуудаар аялж мөн хэд хэдэн газарт дадлага хийжээ. Монголд ажиллаж олж авсан туршлага мөн АНУ-д суралцаж мэдсэн зүйл дээрээ үндэслэж тэрээр “Wild Digital Agency” нэртэй өөрийн дизайны компанийг байгуулсан ба одоогоор Монгол Экологи Төвийн хөтөлбөрүүдийн загвар дизайны хэсгийг хариуцан ажиллаж байна.

ТОГООЧ

Д.Цэцгээ

Цэцгээ 1983 онд Худалдааны коллежийг төгссөн бөгөөд сүүлийн жилүүдэд хээрийн аяллын ахлах тогоочоор ажиллаж байна. Тэрээр Хангарьд, Номадик Экспедишн зэрэг компаниудад ажиллаж байсан туршлагатай ба 2011 оноос Монгол Экологи Төвийн хөтөлбөрүүдийн хөдөө орон нутаг дах үйл ажиллагаанд тогоочоор ажиллаж ирсэн.

ЖОЛООЧ

Д.Амартайван

Амартайван (Амраа) 2011 оноос Монгол Экологи Төвд жолоочоор ажиллаж байна. Тэрээр авто машины механик инженерийн мэргэжилтэй.

ХОЛБОО БАРИХ

БИДНИЙГ ДАГААРАЙ